Qaraqalpaqstan Respublikası Joqarǵı Keńesiniń Baslıǵı Amanbay Orınbaev Nókis qalasında óziniń baslamaları hám startap joybarları menen belsendilik kórsetip atırǵan bir topar jaslar menen ushırastı.
Ótkerilgen ushırasıwda dáslep respublikamız basshısı mámleketimiz Prezidentiniń ayrıqsha itibarı menen jaslarǵa jaratılǵan imkaniyatlar haqqında keń túrde maǵlıwmat berdi. Sonıń menen birge, usınday múmkinshiliklerden orınlı paydalanıp, joqarı nátiyjelerge erisip atırǵan jaslardıń sanı artıp atırǵanı ayrıqsha qanaatlanıwshılıq penen tilge alındı.
Bunnan soń, jaslardıń bántligin támiyinlew, isbilermenligin jolǵa qoyıw, óz ideyaların júzege shıǵarıwı ushın elimiz basshısı tárepinen jaratıp berilgen imkaniyatlar hám ayrıqsha jeńillikler haqqında juwapkerler tárepinen maǵlıwmat berildi.
Óz náwbetinde, jaslar Prezidentimizdiń bunday joqarı isenimi hám jaslarǵa kórsetip atırǵan atalarsha ǵamxorlıǵı ushın ózleriniń tereń minnetdarshılıǵın bildirdi.
Sonday-aq, jaqınnan pikirlesiw tárizinde ótkerilgen ushırasıwda jaslar tárepinen bir qatar áhmiyetli baslamalar kóterildi. Hár bir bildirilgen usınıs belgilep alınıp, bul ideyalardı turmısqa engiziw boyınsha juwapkerlerge anıq tapsırmalar berildi.

Qaraqalpaqstan xabar agentligi