Berdaq atındaǵı Qaraqalpaq ádebiyatı tariyxı mámleketlik muzeyinde ózbek ádebiyatınıń belgili ǵayratkeri, xalıq shayırı Zulfiya Isroilovanıń 111 jıllıǵına baǵıshlanǵan «Qızıń gózzal bolsın, shayıra bolsın» atlı ruwxıy-aǵartıwshılıq ilaj bolıp ótti.
Ilajdan gózlengen tiykarǵı maqset – jaslarǵa shayırdıń ómirin hám dóretiwshilik miyrasın jáne de jaqınnan tanıstırıw, olardıń qálbinde ádebiyatqa bolǵan mehir hám milliy qádiriyatlarǵa húrmet sezimin qáliplestiriwden ibarat.
Ilajda joqarı oqıw orınlarınıń studentleri qatnasıp, baǵdarlama sheńberinde shayırdıń ómiri hám dóretiwshiligi haqqında bayanatlar, qosıqlarınan úlgiler, sonday-aq, studentler tárepinen kórkem shıǵıwlar shólkemlestirildi.
Ilaj sońında studentler muzey ekspanatları menen tanısıp, pikir alıstı.

Ayzada Smaylova,
QMU jurnalistika tálim baǵdarı 2-kurs studenti.
Qaraqalpaqstan xabar agentligi