Ózbekstan turizm hám miymanxana biznesi tarawındaǵı eń iri hám abıraylı sıylıqlardan biri – “VETA Awards” xalıqaralıq sıylıǵınıń iyesi boldı. Saltanatlı sıylıqlaw máresimi 24-fevral kúni Nyu-Deli qalasında bolıp ótti.
“VETA Awards” sıylıǵı turizm hám miymandoslıq sanaatına qánigelesken jetekshi “Versatile Media” kompaniyasınıń tiykarǵı platforması bolıp esaplanadı. 2013-jıl yanvar ayında shólkemlestirilgen bul kompaniya turizm tarawındaǵı áhmiyetli jańalıqlar hám tiykarǵı tendenciyalardı sáwlelendiredi.
“VETA Awards” sıylıǵı SATTE menen birgelikte ótkerilip, turizm tarawındaǵı dúnya jetekshileri hám tiykarǵı milliy qatnasıwshılardı birden-bir B2B platformasında birlestiriwdi maqset etken. Bul sıylıq lyuks sayaxatlar hám miymandoslıq tarawındaǵı aldınǵı tájiriybe, innovaciyalar hám úlken jetiskenliklerdi tán alıw ushın xızmet etedi.
Ózbekstanǵa bul abıraylı sıylıqtıń beriliwi mámleket turizm tarawınıń jedel rawajlanıp atırǵanı, dúnya bazarındaǵı ornı bekkemlenip atırǵanı hám dúnya turistlik jámiechiligi tárepinen qızıǵıwshılıq artıp atırǵanınıń áhmiyetli xalıqaralıq tán alınıwı boldı.

Muhayyo Toshqoraeva, ÓzA