Jaslardıń arasında huqıqbuzarlıq hám jınayatshılıqtıń aldın alıw boyınsha usı jıldıń 18-fevralınan 18-mart aralıǵında “Turmıs” profilaktikalıq ilajı ótkerilmekte.
Nókis qalası “Náwpir” MPJda jasawshı puqaralar menen ushırasıw keshesi ótkerildi. Ilajǵa Ádillik ministrliginiń Nókis qalalıq bólimi baslıǵı O.Jumaniyazov, Salamatlıq institutı shıpakeri T.Ganieva, narkolog shıpaker A.Jalilov, Qaraqalpaqstan Respublikası AIJS qa qarsı gúresiw orayı shıpakeri B.Djoldasbaev hám baska da taraw xızmetkerleri qatnastı. Ushırasıw keshesinde shıǵıp sóylewshiler respublikamızda jınayatshılıq, huqıqbuzarlıq boyınsha alıp barılıp atırǵan ilajlarǵa keń túrde toqtap, olardıń aldın alıw, náshebentlik illetine qarsı gúresiw hám AIJS sıyaqlı emi joq kesellikten jaslarımızdı saqlaw, olardıń tárbiyasına itibarlı bolıw boyınsha ózleriniń pikirleri menen bólisip, tiyisli maǵlıwmatlardı aytıp ótti.
Paytaxtımızdaǵı «Náwpir» MPJ da jaylasqan 7-sanlı shańaraqlıq poliklinkasında da «Turmıs» profilaktikası ilajı sheńberinde hayal-qızlar arasında jınayatshılıq hám huqıqbuzarlıqtıń aldın alıw , jas óspirimler arasında hár túrli kewilsiz jaǵdaylardı boldırmaw hám náshebentlikke qarsı gúresiw boyınsha ilaj shólkemlestirildi.
Ilajǵa poliklinika xızmetkerleri qatnasıp, olarǵa tiyisli maǵlıwmatlar berildi. Pikirler tıńlanıp, bukletler tarqatıldı.
Ilaj respublika boylap dawam etpekte.

Ayjamal Namenova,
Nókis qalası ishki isler basqarması
hayal-qızlar máseleleri boyınsha aǵa
inspektorı, podpolkovnik
Qaraqalpaqstan xabar agentligi