Bas prokurordıń orınbasarı Dilmurod Qosimov elimizde ámelge asırılıp atırǵan strategiyalıq áhmiyetke iye investiciyalıq joybarlardıń orınlanıwına baǵıshlanǵan videoselektor májilisin ótkerdi.
Onda mámleketimiz basshısı tárepinen belgilep berilgen ulıwma bahası 167,7 milliard dollarlıq 377 strategiyalıq áhmiyetke iye joybardıń házirgi jaǵdayı kórip shıǵıldı.
Olarda júzege kelip atırǵan mashqalalar hám olardı saplastırıw boyınsha kórilip atırǵan ilajlar birme-bir dodalandı. Keleshekte orınlanıwı zárúr bolǵan tiykarǵı wazıypalar belgilep alındı.
Joybarlar sheńberinde usı jıldıń aqırına shekem jámi 24 milliard dollarlıq investiciyalardı ózlestiriw, bul baǵdarda joybar intakerleri hám taraw juwapkerlerine júklengen wazıypalardıń orınlanıwı ústinen qatań qadaǵalaw ornatqan halda belgilengen prognoz kórsetkishleriniń sózsiz támiyinleniwi zárúr ekenligi ayrıqsha atap ótildi.
Májilis juwmaǵı boyınsha jumıslardı bunnan bılay da jedellestiriw boyınsha juwapkerlerge tapsırmalar berildi. Múddetleri anıq belgilengen ilajlar baǵdarlaması islep shıǵılıp, orınlawǵa qaratıldı.

N.Abduraimova, WzA