Beruniy nasos stanciyaları hám energetika basqarması juwapkerleriniń qatnasıwında nasos stanciyalarında reje-kórsetpelerdiń orınlanıwın dodalawǵa baǵıshlanǵan seminar-májilis ótkerildi.
Atap aytqanda, seminar dawamında Ózbekstan Respublikası Suw xojalıǵı ministrligi tárepinen belgilengen reje-kórsetpelerdiń orınlanıwın támiyinlew boyınsha ámelge asırılıp atırǵan jumıslar dodalanıp, elektr energiyasınan belgilengen limitler sheńberinde nátiyjeli paydalanıw, nasos úskenelerin máwsimlik ońlaw ilajların óz waqtında hám sapalı ámelge asırıw, sonday-aq, obektlerge tiyisli kadastr hújjetlerin rásmiylestiriw máseleleri hár tárepleme kórip shıǵıldı.
Beruniy nasos stanciyaları hám energetika basqarmasınıń baslıǵı J.Xalmuratov hám basqa da qánigeler tárepinen suwǵarıw máwsiminde nasos stanciyası xızmetkerlerine júklengen tiykarǵı wazıypalar, elektr energiyasınan únemli hám aqılǵa uǵras paydalanıw, óndiris tártibine qatań ámel etiw boyınsha belgilengen tapsırmalar tuwralı túsinikler berildi.
Seminarda házirgi kúnlerde ámelge asırılıp atırǵan shor juwıw ilajın shólkemleskenlik penen ótkeriw, máwsim dawamında nasos stanciyalarınıń turaqlı hám nátiyjeli jumıs islewin támiyinlew boyınsha anıq ilajlar belgilep alındı.

Qaraqalpaqstan xabar agentligi