Puqaralıq isleri boyınsha Beruniy rayonlar aralıq sudınıń 2026-jıl 7-fevraldaǵı orınlaw hújjetine tiykar, puqara K.N.nı Beruniy rayonı Mektepke shekemgi hám mektep bilimlendiriwi bólimine qaraslı 52-sanlı mámleketlik mektepke shekemgi bilimlendiriw shólkemindegi aldınǵı jumıs ornına tiklew belgilengen.
Biraq juwapker sud qararınıń orınlanıwın támiyinlemegeni sebepli puqara K.N. sud hújjetiniń orınlanıwın támiyinlep beriwin sorap, Májbúriy orınlaw byurosı Beruniy rayonlıq bólimine múrájat etken hám orınlaw háreketlerine kirisilgen.
Bólim mámleketlik orınlawshısı shólkem baslıǵına hújjettiń orınlanıwı támiyinleniwi lazımlıǵı, onıń orınlanıwın támiyinlemew aqıbeti haqqında eskertiw bergen. Bunnan soń 52-sanlı mektepke shekemgi bilimlendiriw shólkemi baslıǵınıń 2026-jıl 10-fevraldaǵı buyrıǵına bola, puqara óziniń aldıńǵı jumıs ornına tárbiyashı bolıp qayta tiklendi.

Qaraqalpaqstan xabar agentligi