Indoneziyanıń Djakarta qalasında qılıshlasıw sportı boyınsha jas óspirimler arasında Aziya chempionatı bolıp ótpekte.
CHempionatta kontinetimizdiń eń kúshli Yaponiya, Koreya, Gonkong, Kazaqstan, Tailand, Hindstan hám Iran mámleketiniń saylandı komandaları menen bir qatarda mámleketimiz jas óspirimleri de qatnaspaqta.
Sonıń ishinde, sablya boyınsha qızlar arasında ótkerilgen bellesiwlerde Ózbekstan saylandı komandası aǵzası, jerlesimiz Ayakóz Jumamuratova yarım finalǵa shekem jetip barıp, chempionattıń qola medalın jeńip alıwǵa miyasar boldı.
Atap aytqanda, yarım finalǵa shekemgi bellesiwlerde 1/32 finalda Ayakóz qazaqstanlı Nargiz Saydullaevanı 15:6, 1/16 finalda yaponiyalı Ooka Shiondı 15:10, 1/8 finalda avstraliyalı Zara Djamirzeni 15:10 esabında jeńip shıǵıwǵa eristi.
Al, yarım finalda bolsa, qıtaydı Vang CHenyuǵa jeńilip qaldı.
Sonday-aq, bul chempionatta saylandı komandamız aǵzası Xerrera Lara Luisa Fernanda da qola medalın qolǵa kirgizdi.
CHempionat ele dawam etpekte.

Adilbay Orazov,
Qaraqalpaqstan xabar agentligi sholıwshısı