Berdaq atındaǵı Qaraqalpaq mámleketlik universitetinde Ózbek filologiyası hám Geografiya hám tábiyǵıy resurslar fakultetleri menen birgelikte “Biz jaslar náshebentlikke qarsımız” atamasında jaslar arasında náshebentlik, kibermádeniyattı arttırıw hám aldawshılıq jınayatlarınıń aldın alıwǵa qaratılǵan úgit-násiyat ilajları shólkemlestirildi.
Ilajda Ózbekstan “Adolat” SDP Qaraqalpaqstan Respublikası Keńesi baslıǵınıń orınbasarı Sh.Tóreshova, Ádillik ministrliginiń sektor baslıǵı N.Berdiniyazova, Respublikalıq qánigelestirilgen ruwxıy salamatlıq ilimiy-ámeliy orayı narkologiya xızmetiniń narkolog shıpakeri M.Erjanova, universitet juwapkerleri hám fakultet tyutorları qatnastı.
Ilajda shıǵıp sóylegenler jaslardıń sanasında salamat turmıs tárizin qáliplestiriw, olardı hár qıylı zıyanlı illetlerden saqlaw hám huqıqıy sawatlılıǵın arttırıw búgingi kúnniń áhmiyetli wazıypalarınan biri ekenin atap ótti.
Jaslardı hár qanday illetlerden qorǵaw ádiwli wazıpamız. Biraq jaslardıń ózi de sanalı túrde hár qanday jınayatshılıqqa, náshenbentlikke hám basqa da huqıqbuzarlıqlardan ózlerin awlaq tutıwı kerek.
Ilajda náshebentliktiń awır aqıbeti student-jaslar tárepinen saxnalıq kórinisler arqalı sáwlelendirilip, pikir-usınıslar bildirildi.

Ayzada Smaylova,
QMU jurnalistika tálim baǵdarı 2-kurs studenti.
Qaraqalpaqstan xabar agentligi