Qanlıkól rayonında bilimlendiriwdiń sapasın bunnan bılay da arttırıw, oqıwshılardıń bilim hám kónlikpelerin xalıqaralıq tájiriybe tiykarında rawajlandırıw maqsetinde Jańa Ózbekstan massivindegi 25-sanlı ulıwma bilim beriw mektebine Hindstan mámleketinen sırt elli qánige – oqıtıwshı Saini Akansha xanım, onıń ómirlik joldası Ámir Ali mırzalar keldi.
Rayon hákimi B.Sultanov usı sırt elli pedagoglardıń shańaraǵında bolıp, sharayatlar menen tanıstı. Bilimlendiriw procesine zamanagóy oqıtıw metodikaların engiziw, inglis tili hám anıq pánler boyınsha xalıqaralıq tájiriybelerdi engiziw, oqıwshılardıń bilimin xalıqaralıq standartlar tiykarında bahalaw máseleleri dodalandı.
Sırt elli qánigelerdi qutlıqlap, bunday baslamalar jaslardıń dúnyaǵa kózqarasın keńeytiw hám xalıqaralıq maydanda múnásip orın iyelewine xızmet etetuǵının atap ótti.

Qaraqalpaqstan xabar agentligi