Shomanay rayonında Qaraqalpaqstan Respublikası Ministrler Keńesi Baslıǵınıń Jaslar siyasatı, sociallıq rawajlandırıw hám ruwxıy-aǵartıwshılıq isleri boyınsha orınbasarı B.Ótemuratovtıń basshılıǵında puqaralardı qabıllaw ótkerildi.
Onda, Shomanay rayonı hákiminiń orınbasarı A.Bekmuratov, mákeme, kárxana hám shólkem basshıları, aymaq turǵınları qatnastı.
Qabıllaw dawamında bántlik, sociallıq qorǵaw, infrastrukturanı rawajlandırıw hám basqa da bir qatar máseleler kórip shıǵıldı. Ayırım múrájatlar ornında unamlı sheshildi, orınlanıwı waqıt talap etetuǵın máseleler boyınsha juwapker shólkemlerdiń juwapkerlerine anıq tapsırmalar berildi.
Sonday-aq, puqaralardıń hár bir múrájatı puqta úyrenilip, olardı sheshiwde ashıq-aydınlıq, operativlik hám ádillik principlerine qatań ámel etiletuǵını atap ótilip, puqaralardı qabıllaw waqtında kóterilgen máseleler qadaǵalawǵa alınıp, juwapkerlerge qısqa múddette sheshim tabıw tapsırması berildi.

Qaraqalpaqstan xabar agentligi