Búgingi kúnde jasalma intellekt turmısımızǵa jedel kirip kelmekte. Bul bolsa miynet nátiyjeliligin arttırıw menen birge sapa turaqlılıǵın da támiyinlemekte.
Bul imkaniyattan paydalanǵan halda Qurılıs hám turaq jay kommunallıq xojalıǵı tarawında qadaǵalaw inspekciyası hám aymaqlıq inspekciyalarda shólkemlestirilgen onlayn baqlaw orayları arqalı mámleket esabınan qurılıp atırǵan barlıq obektlerdi aralıqtan baqlaw sisteması jolǵa qoyılmaqta.
Bul obektlerge ornatılǵan kameralar házirgi waqıtta onlayn baqlaw oraylarına basqıshpa-basqısh integraciyalanıp, oraylar jasalma intellekt tiykarında isleytuǵın elektron baǵdarlamalar menen támiyinlenbekte. Bul arqalı qurılıs processlerin avtomatikalıq tárizde hám joqarı anıqlıqta baqlaw múmkin.
Atap aytqanda, 2026-jıl yanvar ayında 1000 nan aslam baqlaw kameraları arqalı 1144 kemshilik anıqlanǵan halda olardı saplastırıw boyınsha jazba kórsetpeler berildi. Itibarlı tárepi sonda, kemshiliklerdiń 500 den aslamı jasalma intellekt járdeminde avtomat túrde onlayn baqlaw orayları arqalı anıqlanǵan. Qánigelerdiń pikirinshe, bul sistemanı rawajlandırıw arqalı tarawdaǵı tarmaqlar jáne de unamlı ósiwge erisiw múmkin.

Sherbek Islamov, ÓzA