Húkimettiń 2026-jıl 19-fevraldaǵı 70-sanlı qararı menen “Ózbekstan Respublikası Prezidenti janındaǵı Mámleketlik siyasat hám basqarıw akademiyasında joqarı bilimlendiriwden keyingi bilimlendiriwge qabıllaw hám oqıtıw tártibi haqqında”ǵı reje tastıyıqlandı. Oǵan bola Akademiyada joqarı bilimlendiriwden keyingi bilimlendiriwge qabıllaw hám oqıtıwdıń jańa tártibi belgilendi.
Jańa tártipke muwapıq, qabıllaw tómendegi bilimlendiriw túrleri boyınsha ámelge asırıladı:
– tayanish doktorantura;
– doktorantura;
– óz betinshe izleniwshilik.
Hújjetler Birden-bir elektron sistema hám Birden-bir interaktiv mámleketlik xızmetler portalı – my.gov.uz arqalı qabıl etiledi.
Tayanısh doktorantura hám doktoranturaǵa hújjetler hár jılı 15-sentyabrden 15-oktyabrge shekem qabıl etiledi. Kiriw imtixanları bolsa 1-noyabrden 25-noyabrge shekemgi múddette ótkeriledi.
Qabıllaw procesi eki basqıshta, 100 ballıq bahalaw sisteması tiykarında shólkemlestiriledi. Birinshi basqıshta talabanlar qánigelik pánlerinen (jazıwlı, awızeki yamasa test túrinde) imtixan tapsıradı. Ekinshi basqıshta bolsa dissertaciya rejesiniń tolıq joybarınıń prezentaciyası ótkeriledi.
Kiriw imtixanlarınıń nátiyjeleri imtixanlar juwmaqlanǵannan soń Akademiyanıń rásmiy veb-saytında járiyalanadı.

Hamroz Bayanov,
ÓzAnıń xabarshısı