ÓzLiDeP Taxtakópir rayonlıq Keńesi tárepinen hár jılı dástúriy ótkerilip kiyatırǵan “Máhálleniń isbilermen hayalı” tańlawınıń rayondaǵı máhálle basqıshı shólkemlestirildi.
Tańlaw rayondaǵı «Ózbekstan», «Ǵárezsizlik», «Aydın jol», «Dáwir» MPJ hám A.Adilov atındaǵı APJ da máhálle basqıshı shólkemleskenlik penen ótkerildi. Tańlawda isbilermen hám ónerment hayal-qızlar óz tájriybeleri hám qol miyneti úlgileri menen qatnastı.
Tóreshiler quramı aǵzaları jeńimpazlıqqa talabanlardıń ámeliy jumısları menen jaqınnan tanısıp, usı kúnge shekem erisken jetiskenlikleri, imkaniyatları hám keleshektegi rejeleri úyrenildi.
Tańlaw juwmaǵı boyınsha «Ózbekstan» máhállesinen fermer Jazira Daniyarova, «Ǵárezsizlik» máhállesinen milliy kiyimler tigiwshisi Lázzet Baymurzaeva, «Aydın jol» máhállesinen aǵash ónimlerinen milliy asbap-úskeneler islep shıǵarıwshı Janat Qolqanatova, «Dáwir» máhállesinen Húrliman Óteniyazova hám A.Adilov awıl puqaralar jıyınınan ónerment Názigúl Allamuratova máhálleler basqıshında jeńimpaz bolıp, rayonlıq basqıshqa jollama aldı.

Qaraqalpaqstan xabar agentligi