Aldın xabar bergenimizdey, Qaraqalpaqstan Respublikası futbol akademiyasınıń 2013-jılǵı tuwılǵan jas óspirimleri Qırǵız Respublikasında ótkerilgen «AFIM WINTER CUP» U13 xalıqaralıq turinirine tabıslı qatnasıp, bir neshe komandalardı jeńiliske ushıratqan edi.
Búgin usı turnirde eń sońǵı tur oyınları ótkerilip, onda Qaraqalpaqstan Respublikası futbol akademiyası komandası Ándijan wálayatınıń «Spartak Andijan» klubı tárbiyalanıwshıları menen óz-ara oyınǵa tústi.
Turnir jeńimpazlıǵın anıqlawshı bul oyında jas futbolshılarımız óz qarsılasları dárwazasına juwapsız 15 gol urıwǵa miyasar boldı hám turnirdiń bas sıylıǵı menen sıylıqlandı.
Jarıs sońında hár qıylı nominaciyalar boyınsha da jeńimpazlar anıqlanıp, onda komandamızdıń bas treneri Jetkerbay Qayıpnazarov «Eń jaqsı trener», Farrux Arazgeldiev «Eń jaqsı oyınshı» nominaciyasına ılayıq dep tabıldı.
Komandamız futbolshıların bul jarısqa trenerlerden Jetkerbay Qayıpnazarov penen birge Serik Axmetaliev te tayarladı.

Adilbay Orazov,
Qaraqalpaqstan xabar agentligi sholıwshısı