Túrkiy mámleketler shólkemi (TMSh) ekonomika hám sawda ministrleriniń 14-májilisi Qazaqstannıń Túrkstan qalasında bolıp ótti.
Ilajda kóp tárepleme sawda hám investiciyanı rawajlandırıw, sanlı transformaciya, transport hám logistika jáne Orta koridor nátiyjeliligin arttırıw máseleleri dodalandı.
Tárepler shólkem sheńberinde ekonomikalıq birge islesiw kólemin keńeytiw, óz-ara sawdanı rawajlandırıw ilajları kórilip atırǵanın bir awızdan tastıyıqladı. Atap aytqanda, usı processte Ózbekstan, Ázerbayjan, Qırǵızstan hám Qazaqstan birgelikte shólkemlestirgen investiciya qorınıń járdeminde túrli joybarlar qarjılandırılıp atırǵanı atap ótildi.
Ánjuman juwmaǵında sawda tarawında birge islesiw boyınsha birgeliktegi kommyunike hám óz-ara túsinisiw memorandumına qol qoyıldı. Keyingi májiliske jıldıń ekinshi yarımında Ázerbayjan basshılıq etetuǵını aytıldı.

S.Rahimov, ÓzA