Reformalar bárqulla insaniyat ushın xızmet etetuǵını qayta-qayta atap ótiledi. Biraq ámelge asırılıp atırǵan baslamalar artındaǵı miynetler tán alınsa, bul perspektivalı keleshekke bolǵan isenimdi jáne de arttıradı. Sır emes, elimizde bilimlendiriwdi reformalaw jolında tınımsız izleniwler hám ámeliy háreketler alıp barılmaqta. Quwanıshlı tárepi, miynetler biykarǵa ketpey atır.
Xalıqaralıq bilimlendiriw hákimleri associaciyasınıń (AIEA) abıraylı jıllıq konferenciyası óz jumısın basladı.
AQShtıń Vashington qalasında bolıp ótip atırǵan bul abıraylı konferenciyanıń saltanatlı ashılıw máresiminde AIEA prezidenti, ilim doktorı hám Garvard universitetiniń pitkeriwshisi Paulo Zagalo-Melo baǵdarlamalıq shıǵıp sóylewinde xalıqaralıq birge islesiwdi rawajlandırıwdıń tiykarǵı baǵdarların belgilep, innovaciyalıq bilimlendiriw ekosistemaların qáliplestiriwde AIEA platformasınıń ornı áhmiyetli ekenin ayrıqsha atap ótti.
Quwanıshlı tárepi sonda, shıǵıp sóylew dawamında Ózbekstan Respublikasına da ayrıqsha itibar qaratılıp, Paulo Zagalo-Melo mámleketimizde bilimlendiriw sistemasın transformaciyalawǵa qaratılǵan strategiyalıq baslamalar hám onıń dúnya akademiyalıq jámiyetshiligine jedel integraciyalasıwın qollap-quwatlap, Ózbekstan bilimlendiriw mákemeleriniń xalıqaralıq birge islesiwdi keńeytiwge qaratılǵan háreketlerin joqarı bahaladı.
Bul joqarı dárejedegi tán alıw Ózbekstanda bilimlendiriw tarawın modernizaciyalaw baǵdarında alıp barılıp atırǵan reformalardıń xalıqaralıq kólemde de tán alınıp atırǵanın jáne bir márte tastıyıqlaǵanın atap ótiw kerek.
Bul tán alınıw aldınǵı sırt el tájiriybelerin tartıw hám jańa birge islesiw baylanısların bunnan bılay da rawajlandırıw ushın áhmiyetli imkaniyatlar jaratatuǵının atap ótiw kerek.

Sherbek Islomov, ÓzA