27-fevral – 1-mart kúnleri Tashkent qalasında dzyudo boyınsha «Úlken duwılǵa» dúrkinine kiriwshi xalıqaralıq turnir bolıp ótedi.
Jarısqa dúnya júziniń kóplegen mámleketlerinen kúshli palwanlar qatnasıwı kútilmekte. Turnirde Ózbekstan saylandı komandası aǵzaları 7 salmaq kategoriyası boyınsha qatnasadı. Házirgi waqıtta saylandı komandamız palwanları jarısqa puqta tayarlıqlar kórmekte.
Respublikamız sport jankúyerleri ushın maǵlıwmat sıpatında aytatuǵın bolsaq, bul jarısta mámleketimiz saylandı komandası quramında -100 kg salmaqta Ernazar Sarsenbaev ta qatnasıp, jeńimpazlıq ushın gúreske túsedi.

Adilbay Orazov,
Qaraqalpaqstan xabar agentligi sholıwshısı