Sholıw

“Máhálleni rawajlandırıw hám jámiyetti ilgeriletiw jılı” Mámleketlik baǵdarlamasında bir qatar baǵdarlarda áhmiyetli wazıypalar belgilep berildi. Sonıń ishinde, hayal-qızlardıń huqıqları menen nızamlı máplerin támiyinlew, sociallıq, ekonomikalıq, siyasiy belsendiligin arttırıw hám gender teńlikti támiyinlew baǵdarında da bir qatar maqset-wazıypalar óz kórinisin tapqan.
Atap aytqanda, hayal-qızlardı miynet bazarında básekige shıdamlı kásip-óner túrlerine oqıtıw arqalı bántligin támiyinlewge járdemlesiw hám olar arasında isbilermenlikti rawajlandırıw maqsetinde 124 mıń 254 hayal-qızdı kásip-ónerge oqıtıw názerde tutılmaqta.
Sonday-aq, 210 mıń 242 hayal-qızǵa jumısqa jaylasıwına járdemlesiw, 43 mıń 620 hayal-qızdı isbilermenlikke oqıtıw ilajların kóriw rejelestirilgen.
Onda jumıssız hám dáramat tabıwdı qálewshi hayal-qızlar qısqa múddetli oqıw kurslarına tartıladı, jumıs islewdi qálewshi hayal-qızlar ushın bos jumıs orınları miynet yarmarkaları shólkemlestiriledi.
Sonday-aq, málimleme texnologiyaları tarawında 100 mıń hayal-qızdıń sawatlılıǵın arttırıw maqseti názerde tutılǵan. Bul bolsa hayal-qızlarımızdıń barǵan sayın rawajlanıp atırǵan málimleme texnologiyaları tarawında bilim hám mamanlıǵın arttırıw arqalı jańa dáramat tabıw imkaniyatların keńeytedi.
Bunnan tısqarı, 1 mıń 91 máhállede jeke menshik sektordı tartqan halda hayal-qızlardıń bántligin támiyinlew hám salamatlıǵın bekkemlew orayların shólkemlestiriw maqseti óz kórinisin tapqan.
Bul baǵdardaǵı wazıypalar elimizde hayal-qızlardı qollap-quwatlaw baǵdarındaǵı háreketlerdi izbe-iz dawam ettiriw, nátiyjede, olardıń jumıslı hám dáramatlı bolıwına xızmet etedi. Isbilermenlik jumısın jolǵa qoyıw arqalı bolsa ózi sıyaqlı jáne bir neshe hayal-qızlardıń bántligine járdemlesiw imkaniyatı payda boladı.

Muhtarama Komilova, ÓzAnıń xabarshısı