Joqarǵı sud plenumınıń gezeksiz májilisinde ayırım jınayat isleri boyınsha qalalıq hám rayonlıq sudlarǵa birinshi márte sudyalıq lawazımına tayınlanǵan sudyalardıń ant beriw máresimi ótkerildi.
Májiliste Sudyalar joqarı keńesiniń 2026-jıl 17-fevraldaǵı qararına muwapıq sudyalıq lawazımda bolıwdıń birinshi bes jıllıq múddetine tayınlanǵan Yunusali Jahongirov, Rwzi Nazarov, Musurmon Eshquvvatov, Shuhrat Rajabov hám Naim Nabievtiń antı tıńlandı.
Joqarǵı sud baslıǵı Baxtiyor Islomov jańadan tayınlanǵan sudyalarǵa puqaralardıń huqıqları menen erkinliklerin, mámleketlik hám jámiyetlik máplerdi, yuridikalıq shaxslar jáne jeke tártiptegi isbilermenlerdiń huqıqları menen nızam menen qorǵalatuǵın máplerin qorǵawdan ibarat jumısında qabıl etken antına sadıq bolıw zárúrligin atap ótti.
Ilajda qatnasqan sudyalardıń jaqınları olarǵa jaqsı tileklerin bildirdi.
Ant qabıl etken 5 jańa sudyaǵa sudyalıq gúwalıqları menen birge “Sudyalar etikası kodeksi” tapsırıldı.
***
Sudyalar joqarı keńesiniń gezektegi qararları menen bolsa 7 sudya sudyalıq lawazımında bolıwdıń gezektegi on jıllıq dáwirine, 12 sudya wákillik múddeti dáwirine basqa lawazımlarǵa tayınlandı. Sonıń menen birge, jazba arzasına bola 7 sudya lawazımınan bosatıldı.

N.Abduraimova, ÓzA