Egipetlik arxeologlar Sinay yarım atawında shama menen 10 mıń jıllıq tariyxqa iye bolǵan tasqa salınǵan súwretlerdi taptı, dep xabar beredi “Arab News” basılımı.
Egipet Turizm hám áyyemgi buyımlar ministrliginiń maǵlıwmatlarına bola, tabılma Qubla Sinay regionındaǵı Jabal Umm Arak tawınan tabılǵan.
Ministrlik wákili bul tabılma tariyxıy hám kórkemlik jaqtan úlken áhmiyetke iye ekenin atap ótti. Strukturanıń uzınlıǵı 100 metrden asadı. Tóbeler hár qıylı dáwirlerdegi haywanlar, simvollıq figuralar, kúndelikli turmıs kórinisleri súwretlengen qızıl hám kúlreń súwretler menen qaplanǵan. Ayırım súwretler eramızǵa shekemgi 10 000-5500-jıllarǵa tuwra keledi.
Súwretlerde ańshılar, iytler, túyeler hám atlarǵa mingen shabandozlar hám de arabsha jazıwlar kórsetilgen. Turizm hám áyyemgi buyımlar ministri Sherif Fathiydiń aytıwınsha, tabılma Sinay yarım atawınıń bay mádeniy miyrasın tastıyıqlaydı hám bul jerde mıń jıllar dawamında túrli civilizaciyalar jasap kelgenin kórsetedi.
Arxeologiyalıq izleniwler dawamında haywanlardıń qaldıqları, áyyemgi Egipet, Rim hám orta ásirlerge tiyisli tas qurallar hám gúlal bólekleri de tabılǵan.

G.Sattorova, ÓzA