Qońırat rayonındaǵı Mıńjarǵan mákan puqaralar jıyınında “Biziń elimizde diniy aǵımlarǵa hám zorlıqqa orın joq!” súreni astında toy máresimlerin hám shańaraqlıq ilajlardı ıqsham hám tártipli ótkeriw, artıqsha dábdebe hám ısırapgershiliktiń aldın alıw maqsetinde ushırasıw shólkemlestirildi.
Úgit-násiyat ilajında Din isleri boyınsha komiteti Qońırat rayonlıq bóliminiń bas qánigesi Yu.Qalekeev, «Nuranıy» qorı rayonlıq bóliminiń baslıǵı X.Qurbanbaev, Ruwxıylıq hám aǵartıwshılıq orayı Qońırat rayonlıq bóliminiń baslıǵı Ú.Tilewmuratovalar qatnastı.
Ilaj dawamında qatnasıwshılarǵa diniy ekstremizm hám radikal ideyalardıń zıyanlı aqıbetleri haqqında maǵlıwmatlar aytılıp, onıń jámiyettiń tınıshlıǵına hám turaqlılıǵına qáwpi haqqında túsinikler berildi.
Qánigeler tárepinen máresimlerdi ápiwayılastırıw, milliy qádiriyatlarımızdı qásterlep saqlaw hám ısırapgershilikke jol qoymaw boyınsha pikir-usınıslar bildirilip, qatnasıwshılar ózlerin qızıqtırǵan sorawlarǵa juwap aldı.

Adxam Azatbaev,
QMU Jurnalistika tálim baǵdarı 2-kurs studenti.
Qaraqalpaqstan xabar agentligi