16-fevral sánesi dúnya tariyxında bir qatar áhmiyetli waqıyalar menen júz bergen. Atap aytqanda, 1918-jılı 16-fevralda Litva mámleketi óziniń ǵárezsizligin járiyaladı hám sol kúni Litva Keńesi Germaniya basqınshılıǵınan keyin mámleket ǵárezsizligin tiklew haqqındaǵı Akttı qabıl etken. Búgingi kúni bul sáne Litvada mámleketti tiklew kúni sıpatında rásmiy bayram esaplanadı.
Sonday-aq, 1959-jıl 16-fevralda Fidel Kastro Kuba Bas ministri lawazımın iyelegen. Bul waqıya Kuba revolyuciyasınan keyingi siyasiy dúzimniń qáliplesiwinde áhmiyetli basqısh bolǵan.
Bunnan tısqarı, 1923-jıl 16-fevralda inglis arxeologı Govard Karter Tutanxamonnıń jerlew kamerası rásmiy túrde ashılıp, onda qol qatılmaǵan sarkofag tabılǵan. Bul ashılıw Egipet tariyxın úyreniwde úlken áhmiyetke iye bolǵan hám XX ásirdiń eń iri arxeologiyalıq tabılmalarınan biri sıpatında bahalanadı.
Sonday-aq, 1968-jıl 16-fevral kúni AQShtıń birinshi 911 ayrıqsha qońırawı ámelge asırılǵan. Bul sistema keyin ala pútkil mámleket boylap engizilip, ayrıqsha xızmetlerdiń jumısın muwapıqlastırıwda úlken áhmiyetke iye boldı.
Demek, 16-fevral sánesi túrli dáwirlerde siyasiy, tariyxıy hám texnologiyalıq jaqtan áhmiyetli waqıyalar menen tariyx betlerine mórlengen.

Biybisara Jartıbaeva,
Berdaq atındaǵı QMU 2-kurs magistrantı
Qaraqalpaqstan xabar agentligi.