Xalıqaralıq hám jergilikli grant joybarlarına qatnasıw, jeńip alıw usılları, sonıń menen birge IT jónelisi hám jasalma intellektten maqsetli paydalanıw hám turmısqa engiziw máseleleri boyınsha Xojeli rayonında ilaj bolıp ótti.
Ilajda Sanlı texnologiyalar ministrligi Qaraqalpaqstan Respublikası aymaqlıq sektorı baslıǵı T.Baekeev, Qaraqalpaqstan Respublikası Ministrler Keńesi Baslıǵınıń másláhátshisi A.Dosımbetov, tiyisli taraw basshıları hám jaslar qatnastı. Ushırasıwda xalıqaralıq hám jergilikli grant joybarlarında qatnasıw, jeńip alıw hám investiciya kirgiziw, sonıń menen birge IT jónelisi hám jasalma intellekt haqqında kóplegen maǵlıwmatlar berildi.
Bunnan soń, rayon aymaǵında IT tarawında jańa joybarlardı ámelge asırıp, sanlı xızmetlerdiń sapasın jaqsılawǵa óz úlesin qosıp atırǵan bir qatar qábiletli jaslarǵa minnetdarshılıq bildirildi.

Qaraqalpaqstan xabar agentligi