Nawayı qalasında milliy gúres boyınsha eresekler arasında Ózbekstan kubogı jarısı bolıp ótti.
Mámleketimizdiń barlıq aymaqlarınan qatnasqan hám 3 kún dawam etken jarıstıń eń sońǵı kúninde ulıwma komandalar arasında bellesiw ótkerildi.
Erler hám qız palwanlar aralasıp óz-ara gúresken bellesiwde birinshi orındı Tashkent qalası komandası jeńip alǵan bolsa, gúmis medal Buxara wálayatınan kelgen palwanlarǵa nesip etti.
Al, sıylı úshinshi orındı bolsa, Sırdárya wálayatı hám respublikamız komandası jeńip alıwǵa miyasar boldı.
Jeńimpaz komandamız hám olardı tayarlaǵan trenerlerin bul jetiskenligi menen qızǵın qutlıqlaymız.

Adilbay Orazov,
Qaraqalpaqstan xabar agentligi sholıwshısı.