Berlinde Germaniya Prezidenti Frank-Valter Shtaynmayer hám Oraylıq Aziya mámleketleri sırtqı isler ministrleriniń ushırasıwı bolıp ótti. Tárepler óz-ara baylanıs jedel ósiw pátin kórsetip atırǵanın atap ótip, “Oraylıq Aziya – Germaniya” formatında sheriklikti bunnan bılay da rawajlandırıwǵa tayar ekenligin tastıyıqladı.
Sawda-ekonomikalıq hám investiciyalıq birge islesiw kólemin keńeytiw, transport hám tranzit shınjırın bekkemlew jáne birgeliktegi energetika joybarların ámelge asırıwǵa ayrıqsha itibar qaratıldı.
Qatnasıwshılar turaqlı rawajlanıwdı támiyinlew, klimattıń ózgeriwine qarsı gúresiw, sonıń ishinde, regiondaǵı muzlıqlardıń eriwi mashqalasın sheshiw boyınsha háreketti muwapıqlastırıw áhmiyetli ekenligin bir awızdan maqulladı.
Óz gezeginde, Shtaynmayer GFR Oraylıq Aziya mámleketleri menen kóp qırlı birge islesiwdi bunnan bılay da bekkemlewden mápdar ekenin tastıyıqladı.

S.Rahimov, ÓzA