Elimizde máhállelerdi rawajlandırıw, ol jerde jasawshı xalıqtıń turmıs abadanlıǵın arttırıw boyınsha bir qansha ilajlar alıp barılmaqta. Bul baǵdardaǵı jumıslar óz nátiyjeliligin berip, xalıqtıń bántligin támiyinlew boyınsha jeńilletilgen kreditler ajıratılıp, máhálleler abadanlastırılıp, járdemge mútáj shańaraqlarǵa tiyisli járdemler kórsetilip kelinbekte.
Alıp barılıp atırǵan jumıs nátiyjeliligi, máhállelerdegi infrastrukturanı úyreniw boyınsha tiyisli taraw wákilleri Xojeli rayonında “Mádeniyat” hám “Qırqınshı” MPJ da boldı.
Qaraqalpaqstan Respublikası Salıq basqarması baslıǵı X. Bekchanov, Ózbekstan máhálleleri awqamı Qaraqalpaqstan Respublikası basqarması baslıǵı S. Turmanovlar Xojeli rayonında máhálleler infrastrukturasın rawajlandırıw, xalıqtıń turmıs sharayatın jáne de jaqsılaw boyınsha ámelge asırılıp atırǵan jumıslardı úyrendi.
Jańa Ózbekstannıń zamanagóy kelbeti máhálleden baslanatuǵını sebepli onıń infrastrukturasın bunnan bılay da jaqsılaw, sonday-aq, xalıqtıń abadanlıǵına tásir kórsetip atırǵan faktorlar menen sistemalı islesiw máselelerine ayrıqsha itibar qaratıldı.
“Mádeniyat” hám “Qırqınshı” MPJ larındaǵı ámelge asırılıp atırǵan jumıslar sonday-aq, isbilermenlerdiń jumıs processleri menen jaqınnan tanısıp, mashqalaları tıńlandı.
Úyreniwler dawamında Prezidentimizdiń 2025-jıl 28-noyabrdegi «Salıqlardıń jıynalıw dárejesin arttırıw hám belsendi salıq tólewshilerdi xoshametlew ilajları haqqında»ǵı qararınıń orınlanıwın támiyinlew boyınsha máhálle aqsaqalları hám jetilikke tiyisli wazıypalar belgilep berildi.

Qaraqalpaqstan xabar agentligi