Qurama Shtatlar prezidenti Donald Tramp 2027-jılı mámlekettiń milliy qáwipsizligi ushın 1,5 trillion dollar jumsawdı rejelestirip atırǵanı málim etildi. Bul haqqında Pentagon basshısı Pit Xegset Meyn shtatındaǵı keme soǵıw zavodına saparı waqtında atap ótti.
Onıń sózlerine bola, ajıratılatuǵın qarjılar maqsetli hám aqılǵa uǵras jumsaladı.
Bizge belgili, ótken jıldıń 19-dekabr kúni Tramp Kongress tastıyıqlaǵan 2026-finans jılı ushın Milliy qorǵanıw wákillikleri haqqındaǵı nızamǵa qol qoyǵan edi. Oǵan bola, 2026-jıl ushın áskeriy byudjet 901 milliard dollardı quraǵan.
Aq úydiń bildiriwinde aytılıwınsha, bul byudjet Pentagonǵa “Kúsh arqalı tınıshlıq” strategiyasın ámelge asırıw, úlke qorǵanıwın bekkemlew hám áskeriy-sanaat bazasın rawajlandırıw imkaniyatın beredi.

Qaraqalpaqstan xabar agentligi