Oliy Majlis Senatına Tájikstan Respublikasınıń Ózbekstan Respublikasındaǵı Ayrıqsha hám tolıq huqıqlı elshisi Ismatullo Nasridin keldi.
Senat Baslıǵı Tanzila Norboeva menen ushırasıwda keyingi jılları eki mámleket arasındaǵı qatnasıqlar pútkilley jańa basqıshqa kóterilgeni, siyasiy qarım-qatnastıń jedelleskeni, sawda-ekonomikalıq, investiciyalıq hám mádeniy-gumanitarlıq baylanıslar izbe-iz keńeyip atırǵanı atap ótildi.
Parlamentleraralıq qatnasıqlardı rawajlandırıw máselesine ayrıqsha itibar qaratıldı. Nızam dóretiwshiligi tarawında tájiriybe almasıw, birgeliktegi baslamalardı alǵa qoyıw hám xalıqaralıq parlament maydanında sóylesiwdi dawam ettiriw áhmiyetli ekeni atap ótildi.
Bul baǵdarda aymaqlararalıq qatnasıqlardı jáne de jedellestiriw hám parlamentler joqarı palatalarınıń birge islesiwi boyınsha komissiyalardıń ámeliy baǵdarlamalarında da jergilikli keńesler menen baylanıslardı bekkemlew zárúr ekenligi atap ótildi.

N.Abduraimova, ÓzA