Qaraqalpaqstan Respublikasında Investiciyalardı tartıw, sanaattı rawajlandırıw hám sawdanı tártipke salıw máseleleri boyınsha Húkimet komissiyasınıń gezektegi májilisi ótkerildi.
Onda Ózbekstan Respublikası Bas prokurordıń orınbasarı D.Kasimov, Bas ministrdiń orınbasarı J.Xodjaev hám Qaraqalpaqstan Respublikası Ministrler Keńesiniń baslıǵı F.Ermanov Húkimet komissiyası aǵzaları menen birgelikte isbilermenler menen olardıń mashqalaların sheshiw boyınsha “Ashıqtan-ashıq sóylesiw” bolıp ótti.
Sóylesiwde 200 den aslam isbilermen qatnasıp, 50 den aslamınıń jer, jeńilletilgen kredit, kommunikaciya tarmaqlarına jalǵanıw, licenziya hám basqa da máseleler boyınsha mashqalaları tıńlandı.
Sonnan, 15 isbilermenniń mashqalaları ornında sheshildi, 40 qa shamalas máseleler boyınsha tiyisli juwapkerlerge tapsırma hám kórsetpeler berilip, orınlanıwı qadaǵalawǵa alındı.

Qaraqalpaqstan xabar agentligi