Parlamenttiń tómengi palatasındaǵı “Adolat” SDP frakciyasınıń májilisinde frakciya aǵzaları bir qatar nızam joybarların kórip shıqtı. Sonıń ishinde, elektron kommerciya tarawın jetilistiriwge qaratılǵan nızam joybarı elektron kommerciyanıń ashıq-aydın ekosistemasın jaratıw, elektron kommerciya platformaları hám servislerin jedel rawajlandırıwǵa qaratılǵan.
Nızam joybarın ekinshi oqıwǵa tayarlaw procesinde elektron kommerciya tarawındaǵı tutınıwshılardıń aylanısına kirip atırǵan jańa baǵdarlar – elektron sawda platforması, buyırtpalar agregatorı hám sanlı striming xızmeti jáne olardıń operatorları túsinikleri anıqlastırıldı.
Sonday-aq, transshegaralıq elektron kommerciya atamasına anıqlama berilip, onıń tártip-qaǵıydaların islep shıǵıw zárúrligi haqqındaǵı qaǵıydalar kirgizildi.
Bunnan tısqarı, joybarda elektron kommerciyaǵa baylanıslı xızmet kórsetiw hám sawda qatnasıqlarında tutınıwshılarǵa tańlaw etiw procesinde ashıq-aydınlıqtı támiyinlew jáne olardıń máplerin qorǵawǵa qaratılǵan bir qatar ózgerisler kirgizildi. Atap aytqanda, elektron kommerciya operatorlarına tutınıwshılar tárepinen pikirler qaldırıw imkaniyatın jaratıw, olardı ózgertpew hám saqlanıwın támiyinlewge baylanıslı minnetlemeler belgilendi.
Názerde tutılıp atırǵan normalar ekonomikadaǵı jasırın aylanıslar kólemin qısqartıw hám elektron kommerciya qatnasıqların jetilistiriwge xızmet etedi.

Muhtarama Komilova, ÓzA