Sońǵı jılları awıl xojalıǵın zamanagóy ilimiy kózqaraslar tiykarında rawajlandırıw, jańa jerlerdi nátiyjeli ózlestiriw hám agrar tarawda turaqlı ósiwdi támiyinlew mámleketlik siyasatta tiykarǵı baǵdarǵa aylanbaqta.
Ózbekstan Respublikası Prezidenti Shavkat Mirziyoev awıl xojalıǵında jańa jerlerdi ózlestiriw hám tarawda ilimdi jańa basqıshqa alıp shıǵıwǵa qaratılǵan usınıslardıń prezentaciyası menen tanısqan edi.
Prezentaciya waqtında mámleketimiz basshısı tárepinen bul baǵdarlarda úlken nátiyjelerge erisiw ushın ámeldegi institucionallıq infrastrukturanı jetilistiriw, sonday-aq, shólkemlestiriletuǵın Awıl xojalıǵı ilimleri akademiyasınıń jumısın nátiyjeli jolǵa qoyıw boyınsha bir qatar áhmiyetli tapsırmalar berildi.
Awıl xojalıǵı ministrliginde shólkemlestirilgen sóylesiwde de agrar tarawda bilimlendiriw, ilimiy-izertlew hám óndiristi óz-ara úzliksiz baylanıstıratuǵın birden-bir sistemanı qáliplestiriw máseleleri dodalandı.
Atap ótiliwinshe, usı jılı 25,5 mıń gektar miywe baǵları hám 5 mıń gektar júzimzarlar jaratıladı hám sol arqalı 48 mıń turaqlı jáne máwsimlik jumıs orınları jaratıladı.
Sonday-aq, tarawda innovaciyalıq hám nátiyjeli sheshimler engiziledi, investiciya hám sırt el grantların jedel tartıw boyınsha jańa joybarlar ámeliyatqa engiziledi.
Májilis juwmaǵında báhárgi egis máwsimine tayarlıq kóriw, tuqımlardı óz waqtında egiwge tayarlaw, sonday-aq, aymaqlarda azıq-awqat qáwipsizligin támiyinlew boyınsha alıp barılıp atırǵan jumıslar tallanıp, nátiyjelilikti arttırıwǵa qaratılǵan anıq wazıypalar belgilep alındı.

Muhayyo Toshqoraeva, ÓzA