Ullı sóz sheberi, ǵázzel múlkiniń sultanı Áliysher Nawayınıń ómir jolı, bizge miyras qaldırǵan bay ádebiy shıǵarmalarınıń jaslar tárbiyasında tutqan ornı ayrıqsha esaplanadı. Sóz múlkinin sultanı Áliysher Nawayı tuwılǵan kúniniń 585 jıllıǵı múnásibeti menen Qaraqalpaqstan medicina institutında ádebiy keshe shólkemlestirildi.
Ilajda ózbek tili, tiller hám jámiyetlik pánler kafedrası oqıtıwshıları hám student-jaslar qatnastı.
Ádebiy keshede shıǵıp sóylewshiler Áliysher Nawayınıń ómiri hám dóretiwshiligi haqqında aytıp ótti. Keshe dawamında instituttıń student-jasları tárepinen shayır qálemine tiyisli poeziyalıq qatarlar, saxnalıq kórinisler hám ǵázelleri atqarılıp, jıynalǵanlarǵa ruwxıy azıq baǵıshladı.
Aradan qansha dáwirler ótse de poeziya maydanınıń gúltajı bolıp kiyatırǵan shayır shıǵarmaları keleshek áwlad qálbinde uzaq jıllar saqlanıp, ózbek ádebiyatınıń qunlılıǵın arttırıp bararı sózsiz.

Qaraqalpaqstan xabar agentligi