Búgin, 9-fevralda ullı shayır hám oyshıl, mámleketlik ǵayratker Mir Áliysher Nawayınıń 585 jıllıǵı keńnen belgilenbekte.
Áliysher Nawayı óz dáwirinde ilim-pán, aǵartıwshılıq qáwenderi edi hám ol haqqında ájayıp pikirlerdi alǵa qoyǵan. Ol aqıl, ilim insannıń eń gózzal hám zárúr pazıyletlerinen biri, hár bir insannıń eń áhmiyetli minneti ilim alıw, dep esapladı. Nawayınıń pikirinshe, ilim-pándi iyelew ushın jaslıqtan baslap qunt penen oqıp-úyreniw kerek:
“Jasıńda jıyna bilimdi, qartayǵan soń jumsa onı”, degen shayırdıń ózi de júdá jaslıǵınan bilim aladı, oqıwǵa beriledi.
Ullı oyshıl qaldırǵan úlken ruwxıy miyras ásirler dawamında óziniń áhmiyetin joǵaltqan joq hám bul keleshekte de jámiyettiń hár bir tarawında áhmiyetli qollanba bolıp qaladı.

Qaraqalpaqstan xabar agentligi