Bajıxana basqarması tárepinen Nókis qalasındaǵı “Múriwbet” hayal-qızlar internat úyinde 9-fevral – ullı shayır hám oyshıl, mámleketlik ǵayratker Áliysher Nawayı tuwılǵan kúniniń 585 jıllıǵı múnásibeti menen ruwxıy-aǵartıwshılıq ilaj shólkemlestirildi.
Bul ilaj bajıxana xızmetkerleriniń baslaması menen ótkerilip, olar internat úyinde jasap atırǵan mayıplıǵı bolǵan hayal-qızlardıń jaǵdayınan xabar aldı.
Ilajda Berdaq atındaǵı Qaraqalpaq mámleketlik universitetiniń filologiya fakulteti oqıtıwshısı, shayır Mirjalol Sativaldiev ta qatnasıp, Álisher Nawayı haqqında qızıqlı maǵlıwmatlar aytıp, jazǵan qosıqlarınan oqıp berdi.
Ushırasıw dawamında tárbiyalanıwshılar menen ashıq sáwbetlesiw ótkerildi. Olardıń kúndelikli talapları, mashqalaları hám usınısları dıqqat penen tıńlanıp, hár bir múrájatqa itibar qaratıldı.
Álbette, bunday iygilikli baslamalar jámiyette adamgershilik, miyrim-shápáát hám ǵamqorlıq sezimlerin bekkemlep, sociallıq tilekleslikti bunnan bılay da arttırıwǵa xızmet etedi.

Qaraqalpaqstan xabar agentligi