Oliy Majlis Nızamshılıq palatasınıń Xalıqaralıq isler, qorǵanıw hám qáwipsizlik máseleleri komiteti tárepinen Sırtqı isler ministrliginiń mámleketlik byudjet hám byudjetten tısqarı qarjılar esabınan belgilengen maqsetli kórsetkishlerge erisiliwi, ajıratılǵan qarjılardıń jumsalıw jaǵdayı hám olardıń nátiyjeliligi boyınsha málimlemesi tıńlandı.
Tıńlawda ministrlik jumısınıń finanslıq nátiyjeliligi, qarjılardan paydalanıwdıń ashıq-aydınlıǵı hám belgilengen maqsetli kórsetkishlerdiń turaqlı orınlanıwına itibar qaratıldı.
Prezidentimizdiń Sırtqı isler ministrligi hám sırt eldegi diplomatiyalıq wákilxanalardıń jumısı máselelerine baǵıshlanǵan videoselektor májilisindegi tapsırmalarınan kelip shıǵıp, ekonomikalıq birge islesiw baǵdarındaǵı jumıstı bunnan bılay da kúsheytiw, sırt eldegi diplomatiyalıq wákilxanalardıń jumısında sawda-ekonomikalıq nátiyjelilikti tiykarǵı tiykarǵı baǵdar sıpatında belgilew zárúrligi atap ótildi.
Sonday-aq, ilajda qarjı operaciyaları monitoringin bunnan bılay da jetilistiriw, byudjetten tısqarı qarjılar menen baylanıslı barlıq qarjı processlerin Ekonomika hám qarjı ministrliginiń birden-bir elektron programmalıq sistemasına integraciyalaw baǵdarındaǵı jumıslardıń jaǵdayı boyınsha da ministrliktiń málimlemesi tıńlandı.
Byudjet qarjılarınan paydalanıw nátiyjeliligin arttırıw hám strategiyalıq maqsetlerdiń orınlanıwın támiyinlew boyınsha tiyisli usınıslar berildi.

M.Komilova, ÓzA