Ózbekstan Respublikası Prezidenti Administraciyasınıń basshısı Saida Mirziyoeva Qazaqstan Parlamenti Senatınıń Baslıǵı Máwlen Áshimbaev penen ushırasıw ótkerdi.
Ushırasıw qızǵın hám doslıq ruwxında bolıp ótti. Sóylesiw waqtında Ózbekstan hám Qazaqstan arasında joqarı dárejedegi óz-ara isenim hám tıǵız sóylesiwge tiykarlanǵan qatnasıqlar jedel rawajlanıp atırǵanı qanaatlanıwshılıq penen atap ótildi. Tárepler 2025-jıl eki tárepleme birge islesiwdi bunnan bılay da bekkemlewde áhmiyetli hám nátiyjeli basqısh bolǵanın atap ótti.
Sonday-aq, parlamentleraralıq sóylesiwlerdi keńeytiw, sawda-ekonomikalıq hám mádeniy-gumanitarlıq baylanıslardı rawajlandırıw perspektivaları dodalandı.
Ushırasıwda mámleketler arasındaǵı ámeliy birge islesiw bunnan bılay da izbe-iz bekkemlenip baratuǵınına isenim bildirildi.

Qaraqalpaqstan xabar agentligi