Saudiya Arabstanı Stambulda bahası 2 milliard dollarlıq iri quyash energetikası joybarın ámelge asıradı. Túrkiya energetika ministri Alparslon Bayroqdordıń málim etiwinshe, bul haqqındaǵı kelisim Ar-Riyadta qol qoyılǵan.
Dáslepki basqıshta Sivas hám Karaman wálayatlarında 2 000 megavattlıq stanciyalar qurıladı. Keyingi basqıshlarda quyash hám samal elektr obektleriniń ulıwma quwatlılıǵı 5 000 megavattqa jetkeriledi.
Atap ótiliwinshe, bul baslama energetika tarawındaǵı áhmiyetli sırt el investiciyalıq joybarları bolıp, tolıq sırtqı qarjılandırıw esabınan ámelge asırıladı. Ekonomikalıq qollap-quwatlawǵa xalıqaralıq finans institutları da qatnasadı.
Rejedegi quyash stanciyaları 2,1 millionnan aslam shańaraqtıń elektr energiyasına bolǵan talabın qaplaw imkaniyatın beredi. Bul Túrkiyanıń qayta tiklenetuǵın energiya úlesin arttırıw hám energetika erkinligin kúsheytiw jolındaǵı áhmiyetli qádemi sıpatında bahalanbaqta.

ÓzA