Tórtkúl rayonı hákimligi imaratında Qaraqalpaqstan Respublikası Ministrler Keńesiniń Baslıǵı F.Ermanovtıń basshılıǵında keńeytilgen májilis bolıp ótti.
Májiliste rayon hákimi I.Xudaybergenov, taraw juwapkerleri, máhálle baslıqları hám aymaqta investiciyalıq joybarlardı ámelge asırıp atırǵan isbilermenler qatnastı.
Ministrler Keńesiniń Baslıǵı tárepinen rayonda sanaat baǵdarında kem quwatlılıqta jumıs alıp barıp atırǵan isbilermenler menen sóylesiw shólkemlestirilip, olardıń joybarları hám jumısı dawamında ushırasıp atırǵan mashqalaları hám usınısları tıńlandı.
Isbilermenlerdiń múrájatların nızamlı tártipte jedel sheshiw hám bar imkaniyatlardan nátiyjeli paydalanıw arqalı jańa jumıs orınların jaratıw boyınsha rejeler dodalandı.
Májiliste Ózbekstan Respublikası Prezidentiniń 2025-jıl 19-sentyabrdegi Pármanınıń orınlanıwına ayrıqsha toqtap ótildi. “Xalıqtı hám awıl xojalıǵın dizimge alıwdıń ekinshi basqısh processlerin puqta hám ádil ótkeriw elimizdiń ekonomikalıq kórsetkishlerin anıq belgilew hám keleshektegi rejelerdi durıs qáliplestiriwde úlken áhmietke ie.
Májilis juwmaǵında dodalanǵan máseleler boyınsha tiyisli taraw basshılarına wazıypalar júklendi hám orınlanıwı qadaǵalawǵa alındı.

Qaraqalpaqstan xabar agentligi.