Milliy baspasóz orayında Shańaraq hám hayal-qızlar komitetiniń “Shańaraqlardı bekkemlew hám hayal-qızlardı qollap-quwatlaw baǵdarında 2025-jılda ámelge asırılǵan jumıslar hám 2026-jıldaǵı tiykarǵı wazıypalar” atamasında baspasóz konferenciyası bolıp ótti.
Ózbekstanda shańaraq institutın bekkemlew, hayal-qızlardı hár tárepleme qollap-quwatlaw, olardıń sociallıq, ekonomikalıq hám huqıqıy belsendiligin arttırıw mámleketlik siyasattıń tiykarǵı baǵdarlarınan biri bolıp esaplanadı. Keyingi jıllarda shańaraq turaqlılıǵın támiyinlew, hayal-qızlardıń jámiyetlik turmıstaǵı ornı hám rolin kúsheytiwge qaratılǵan sistemalı ózgerisler alıp barılmaqta.
2025-jıl dawamında Shańaraq hám hayal-qızlar komiteti tárepinen juwapker ministrlikler hám uyımlar menen birgelikte bul baǵdarlarda keń kólemli, mánzilli hám sistemalı jumıslar ámelge asırıldı. Tiykarǵı itibar hár bir hayal-qız hám hár bir shańaraqtıń mashqalasın ornında úyreniw, olarǵa ámeliy járdem kórsetiw hám turaqlı dáramat dereklerin jaratıwǵa qaratıldı.
Sonıń menen birge, hayal-qızlar arasında jınayatshılıq hám huqıqbuzarlıqlardıń aldın alıw, kúsh kórsetiw hám zorlıqqa mawasasız ortalıqtı qáliplestiriw, shańaraqlarda salamat sociallıq-ruwxıy ortalıqtı támiyinlew baǵdarında da anıq hám nátiyjeli ilajlar kórildi.
Hayal-qızlardıń bántligin támiyinlew, biznesin hám isbilermenlik jumısın qollap-quwatlaw, shańaraqlardıń dáramatın arttırıw maqsetinde alıp barılǵan sistemalı jumıslar nátiyjesinde 2025-jılı 2,3 million hayal-qızǵa dáramatlı miynet penen támiyinleniwge járdem berildi hám 2024-jılǵa salıstırǵanda 2,4 esege arttı. Sonnan, 735 mıń 700 hayal-qız bos jumıs orınlarına jumısqa jaylastırıldı.
Oraylıq bank, Mámleketlik aktivler agentligi menen birgelikte “Hayal-qızlar korporativ forumı” koncepciyası islep shıǵılıp, shańaraqlarda 4 mıń 231 kishi óndiris cexları shólkemlestirildi.
Bunnan tısqarı, 140 Ónermentshilik sanaat orayları shólkemlestirildi. 1 mıń 160 máhállede Hayal-qızlardıń bántligin támiyinlew hám salamatlıǵın bekkemlew orayları iske qosıldı.
Oraylardıń jumısın jańasha kózqaraslar tiykarında shólkemlestiriw maqsetinde Ózbekstan Respublikası Prezidentiniń 2025-jıl 3-dekabr kúni tiyisli pármanı qabıl etildi. Búgingi kúnde pármannıń orınlanıwın tolıq kólemde támiyinlew maqsetinde jumıslar shólkemlestirilmekte.
Hayal-qızlardıń huqıqları menen nızamlı máplerin támiyinlew, shańaraqtı bekkemlew baǵdarında hayal-qızlarǵa bolǵan kúsh kórsetiw hám zorlıq jaǵdaylarınıń aldın alıw boyınsha 416 usınıs kirgizildi, 326 sına tásir ilajları kórildi.
Máhállelerde qáwipsiz ortalıqtı jaratıw maqsetinde sociallıq profilaktika sheńberinde 215 mıń 896 hayal-qızlarǵa unamlı juwmaqlawshı juwmaqlar berildi. Sudlarǵa kirgizilgen 737 shaǵım arzalarınıń 683ine tiykarlanıp sud qararları qabıl etildi.
Tartısıp atırǵan 39 410 shańaraqtıń mashqalaları birgelikte sistemalı úyrenilip, tiyisli tártipte járdemler kórsetildi.
Qayta zorlıqtıń aldın alıw maqsetinde hayal-qızlarǵa zorlıq islegen 9237 shaxs dúzetiw baǵdarlamasınan ótiwge baǵdarlandı. Huqıqbuzarlıq islegen 37 368 hayal-qız profilaktikalıq esaptan shıǵarıldı.
Jazanı orınlaw mákemelerinen qaytqan, aldın sudlanǵan, probaciya esabında turǵan hám migraciyadaǵı hayal-qızlar hám olardıń shańaraqlarına zárúr járdem kórsetiw ilajları kórildi.
Búgingi kúnde 9008 máhállede 5 705 hayal-qızlar belsendileri máhálle jetiligi quramında birgelikte sistemalı jumıslardı alıp barmaqta.
Olar tárepinen “Shańaraq kesiminde” islesiw nátiyjesinde 1 808 250 mashqala anıqlanıp, 1 770 537 sheshilgen.
“Hayal-qızlar dápteri”ne kirgizilgen 1 022 476 hayal-qızlardıń 1 020 981 ine (99,9 procent) ámeliy járdem kórsetildi.
“GAP” hayal-qızlar IT klubı joybarı sheńberinde “Hayal-qızlar dápteri” hám “Kámbaǵal shańaraqlar reestri”ne kirgizilgen hám basqa da hayal-qızlardıń sanlı sawatlılıǵın arttırıw, jasalma intellekt hám IT tarawındaǵı basqa da baǵdarlarda mamanlıǵın arttırıw boyınsha 28 video sabaqlıqlar islep shıǵıldı hám oqıw sabaqları ótkerildi.
Komitet tárepinen xalıqtıń reproduktivlik salamatlıǵın qorǵaw, hayal-qızlar arasında salamat turmıs principlerin úgit-násiyatlaw maqsetinde Densawlıqtı saqlaw hám Sport ministrlikleri menen birge islesiw baǵdarlamaları qabıl etildi hám orınlanıwı támiyinlendi.
“Jaqın tuwısqanlar arasındaǵı hám erte nekelerdiń aldın alıwǵa qaratılǵan ilajlardı ámelge asırıw baǵdarındaǵı jumıslardı sistemalı shólkemlestiriw haqqında”ǵı ilajlar rejesi tiykarında shólkemlestirilgen 35 mıńnan aslam dógerek sáwbetlerine 215 mıń 92 qatnasıwshı tartıldı.
Komitet janındaǵı Shańaraq hám gender ilimiy-izertlew institutı tárepinen “Erte hám jaqın tuwısqanlar arasında nekege qarsı birgelikte gúresemiz”, “Salamat shańaraq – keleshek tiykarı” atamasındaǵı ilimiy-metodikalıq qollanbalar, “Shańaraqta óz-ara isenim hám húrmetti saqlayıq”, “Baxıtlı shańaraq sırları”, “Salamat shańaraqlıq qatnasıqlar”, “Shańaraqlıq qatnasıqlardı bekkemlewshi qádiriyatlar” sıyaqlı 14 mıń nusqadan aslam bukletler máhálledegi hayal-qızlar belsendilerine jetkerildi.
Shańaraq hám gender ilimiy-izertlew institutı menen birgelikte jas shańaraqlarda milliy qádiriyatlarǵa tiykarlanǵan abadan hám turaqlı shańaraqlardı qáliplestiriwge qaratılǵan “Juwapkershilikli ata-ana” joybarı engizildi.
“Juwapkershilikli ata-ana” veb-saytı hám mobil qosımshası islep shıǵılıp, 5 modulden ibarat onlayn oqıw kursları engizildi.
Baspasóz ánjumanında hayal-qızlardıń máplerin hár qıylı baǵdarlarda qorǵaw, olardı sportqa tartıw, xalıqaralıq birge islesiwdi keńeytiw baǵdarındaǵı ámeliy jumıslar haqqında da tolıq maǵlıwmat berildi.

Nazokat Usmonova, Oybek Pardaev (surat), WzA muxbirlari