Qaraqalpaqstan Respublikası Kásiplik bilimlendiriw agentligi tárepinen Keńes májilisi ótkerildi.
Agentliktiń sektor baslıqları, xızmetkerleri hámde Kásiplik bilimlendiriw shólkemleri (texnikumlar) direktorları qatnasqan Keńes májilisin Qaraqalpaqstan Respublikası Kásiplik bilimlendiriw agentligi direktorı A.Ayapov basqarıp bardı.
Ol májiliste belgilengen máselelerge ayrıqsha toqtap ótti. Atap aytqanda, 2025-2026-oqıw jılınıń 1-yarım jılı dawamında texnikumlar jumısın nátiyjeli shólkemlestiriwde ámelge asırılǵan jumıslar, atqarıw tártibi, Kásiplik bilimlendiriw oqıw orınlarında oqıw procesi jaǵdayların jumısshı topar tárepinen úyreniw barısı, oqıw orınlarında hayal-qızlardıń roli, kiyiniw mádeniyatı ádep-ikramlılıq hám jaslar arasında huqıqbuzarlıqlardıń aldın alıw, korrupciya jaǵdaylarına jol qoymaw máseleleri boyınsha aytıp ótti.
Ótkerilgen ilajda jaratılıp berilip atırǵan imkaniyatlarǵa qaramay, tarawda sheshimin kútip turǵan bir qatar mashqalalar da bar ekenligi ayrıqsha tilge alınıp, ayırım máseleler sın kózqarasta talqılandı.
Sonıń menen birge, Keńes májilisinde qatnasıwshılardıń pikir-usınısları da tıńlandı.
Májiliste ámelge asırılıp atırǵan jumıslar hám aldaǵı wazıypalardıń orınlanıwına qaratılǵan tiyisli kórsetpeler hám tapsırmalar berildi.

Qaraqalpaqstan xabar agentligi