Nókis qalasında voleybol boyınsha 19 jastaǵı qızlar arasında Qaraqalpaqstan chempionatı bolıp ótti.
CHempionatqa respublikamızdıń barlıq qala hám rayonlarınan komandalar qatnasıp, jeńimpazlıq ushın óz-ara bellesti.
Qızǵın bellesiwlerge bay bolǵan jarıs juwmaǵında, birinshi orındı Respublikalıq oyın túrleri hám jeńil atletika sport túrlerine qánigelestirilgen sport mektebi komandası jeńip alıwǵa miyasar boldı.
Al, sıylı ekinshi hám úshinshi orınlar Nókis qalasındaǵı 1-sanlı sport mektebi hám Qaraózek rayonlıq sport mektebi tárbiyalanıwshılarına nesip etti.
Jarıs sońında jeńimpaz komandalar shólkemlestiriwshiler tárepinen tayarlanǵan arnawlı diplomlar menen sıylıqlandı.

Adilbay Orazov,
Qaraqalpaqstan xabar agentligi sholıwshısı.