50 jıldan aslam waqıt dawamında Yupiterdiń ólshemi hám forması haqqındaǵı maǵlıwmat ózgermey kelgen. Aqırında Veycmann ilim institutı ilimpazları zamanagóy texnologiya hám jańa maǵlıwmatlar tiykarında bul túsinikti qayta kórip shıqtı.
“Nature Astronomy” jurnalında járiyalanǵan izertlew juwmaǵında Italiya, AQSh, Franciya hám Shveycariya ilimpazlarınan ibarat xalıqaralıq topar Yupiterdiń ólshemin hám formasın eń joqarı anıqlıqta esaplap shıqtı.
Atap aytqanda, aldınǵı esap-sanaqqa salıstırǵanda biraz kishi ekeni anıqlanǵan planetanıń radiusı ekvator bóliminde 4 kilometr, polyar bóliminde bolsa 12 km qısqa ekenligi málim etildi. Jana ólshew boyınsha, Yupiterdiń ekvator radiusı 71 484 km, polyar radiusı bolsa 66 842 km. Báribir, bul planeta kólemi elege shekem Quyash sistemasında eń úlkeni.
Veysman institutı Jer hám planetalıq ilimler bóliminiń professorı Yoxay Kaspiydiń atap ótiwinshe, ólshemdi anıqlaw ushın aylanba hám Jerge salıstırǵandaǵı aralıqtı baqlaw jeterli. Joqarı anıqlıqqa erisiw ushın bolsa quramalı ilimiy usıllar qollanılǵan.
Izertlewdiń basshısı doktor Eli Galanti Yupiter haqqındaǵı burınǵı maǵlıwmat NASAdaǵı “Voyager” hám “Pioneer” missiyaları dawamında alınǵan hám tek altı ólshemge tiykarlanǵan edi. “Juno” apparatı arqalı ámelge asırılǵan bul retki tájiriybe bolsa 26 zamanagóy ólshew nátiyjesine tiykarlanǵan.

F.Yaxshiboeva,
ÓzA