Húkimettiń 2026-jıl 29-yanvardaǵı qararı menen “Sociallıq reestrdi júrgiziw tártibi haqqında”ǵı reje tastıyıqlandı.
Oǵan bola, arza beriwshi shańaraǵın Reestrge kirgiziw ushın mámleketlik xızmetler orayı, wákillikli uyımǵa barǵan halda yamasa sociallıq xızmetker arqalı múrájat etedi.
Sonday-aq, “BMSQ” MS, BIMXP yamasa “Sociallıq karta” mobil qosımshası arqalı erkin túrde arza beriw imkaniyatı da jaratılǵan.
Atap ótiw orınlı, hár bir shańaraq 1 ayda tek ǵana 1 márte arza tapsırıwı múmkin.
Shańaraqtıń sociallıq-ekonomikalıq jaǵdayı dáslepki bahalawdan ótkeriledi.
Bahalaw nátiyjesi boyınsha arza beriwshiniń shańaraǵın “mámleket támiynatındaǵı shańaraq” hám “kámbaǵal shańaraq” dep tabıwdı biykarlaw ushın tiykarlar anıqlanbaǵan jaǵdayda ǵana arza sociallıq xızmetkerdiń jeke kabinetine sorawnama toltırıw ushın jiberiledi.
Arza beriwshi tárepinen tastıyıqlanǵan sorawnama málimleme modulinde avtomat túrde “máhálle jetiligi”ne jiberiledi.
Juwmaq “máhálle jetiligi” tárepinen tastıyıqlanǵannan soń “BMSQ” MS 3 jumıs kúni ishinde shańaraqtıń sociallıq-ekonomikalıq jaǵdayın juwmaqlawshı bahalawdan ótkeredi.
Shańaraqtıń hár bir aǵzasına tuwra keletuǵın 1 aylıq jámi ortasha dáramat aqırǵı 3 ay ushın esaplanǵan barlıq shańaraq aǵzalarınıń dáramatı summasın shańaraq quramına kirgiziletuǵın shańaraq aǵzalarınıń sanına hám 3 ke bóliw arqalı anıqlanadı.
Reestrge shańaraqlar “mámleket támiynatındaǵı shańaraq,” “kámbaǵal shańaraq” hám “kámbaǵallıq shegarasındaǵı shańaraq” kategoriyalarına ajıratılǵan halda kirgiziledi.
Shańaraqlar olar Reestrge kirgizilgen kúnnen baslap tómendegi múddetlerde shańaraq aǵzalarınıń qatnasıwında sorawnama qayta toltırıladı:
“mámleket támiynatındaǵı shańaraq” – hár 12 ayda;
“kámbaǵal shańaraq” – hár 6 ayda.
Bul sistema arqalı xalıqqa jáne de qolaylıq jaratıw maqset etilgen.

Sherbek Islomov, ÓzA