Ózbekstan Respublikası Joqarǵı sud Plenumınıń “Sudlar tárepinen jeke menshik emes huqıqlar hám basqa materiallıq emes baylıqlardı qorǵaw haqqındaǵı nızamshılıqtı qollanıw ámeliyatı haqqında”ǵı qararınan kelip shıǵıp, Plenum qararında:
– shaxstıń razılıǵısız yamasa bunday razılıq berilgen maqsetlerden tısqarı kѳrsetilgen maǵlıwmatlardı nızamsız jıynaw, tarqatıw, járiyalaw yamasa olardan paydalanıw – huqıqtı buzıw dep tán alınıwı;
– balalar hám shańaraqlıq qatnasıqlar haqqındaǵı maǵlıwmatlardıń áshkara etiliwi – abıray, qádir-qımbat hám basqa jeke huqıqlarǵa aytarlıqtay zıyan jetkeriw dep bahalanıwı;
– bunday maǵlıwmatlar ѳz aldına qorǵalıwı kerekligi haqqında túsinikler berilmekte.
Sonday-aq, málimlemeni tarqatqan shaxstı anıqlaw múmkinshiligi bolmasa, yaǵnıy sol málimleme anonim xatlar formasında tarqatılǵanında, internet tarmaǵında málimleme-kommunikaciya sistemalarında ornalastırılǵanında, eger tarqatıw deregin anıqlaw imkaniyatsız bolsa, sonday-aq, málimleme tarqatıwshı shaxs ѳlgen jaǵdaylarda huqıqı buzılǵan shaxstıń tarqatılǵan málimleme haqıyqatqa tuwrı kelmeytuǵın maǵlıwmatlar ekenligi faktın anıqlaw haqqındaǵı arzasına tiykar, ѳz aldına is júrgiziw tártibinde de kѳrip shıǵılıwına jol qoyılıwı tuwralı túsinikler berilgen.

N.Tairov, Puqaralıq isleri boyınsha Beruniy rayonlar aralıq sudınıń sudyası,

Qaraqalpaqstan xabar agentligi