Bárshemizge belgili usı jıldıń 15-yanvar sánesinen baslap elimizde xalıq hám awıl xojalıǵın dizimge alıw ilajlarına rásmiy túrde start berildi. Milliy statistika komiteti tárepinen bul processte belsendilik kórsetip, sorawnamanı onlayn tárizde durıs hám tolıq toltırǵan puqaralar arasında tańlaw járiyalanǵan edi. Tańlaw nátiyjesine bola Xojeli rayonı “Sarshungil” mákan puqaralar jıyınında jasawshı Feruza Shamuratova jeńimpaz dep tabıldı hám zamanagóy planshettiń iyesi boldı.
Xojeli rayonı hákimliginde bul sıylıq Qaraqalpaqstan Respublikası statistika basqarması baslıǵı T.Ǵaniev hám rayon hákimi J.Ermashev qatnasıwında saltanatlı túrde tapsırıldı. Bunnan soń, tiyisli taraw juwapkerleri menen birgelikte barlıq qatnasıwshılarǵa xalqımızdıń dizimnen ótiwde belsendiligin jáne de arttırıw hám maǵlıwmatlardı itibarlılıq penen toltırıw boyınsha bir qansha tapsırmalar berildi.

Qaraqalpaqstan xabar agnetligi