Máhellede awızbirshilikti saqlaw, jaslar tárbiyası hám toy-merekelerdi ısırapkershiliksiz ótkeriwde kóshe biyiniń atqaratuǵın xızmeti ayrıqsha. Sonlıqtan da olardıń jumısların jetilistiriwde sońǵı waqıtlarda bir qatar ilajlar jolǵa qoyılmaqta. «Eń úlgili kóshe biyi» tańlawınıń ótkeriliwi de olar arasında jumısların belsendilik penen alıp barıp atırǵan kóshe biylerin belgilep bermekte.
Xojeli rayonında Taqıyatas rayonı hákimliginiń májilisler zalında máhálle turmısında belsendilik hám juwapkershilik penen jumıs alıp barıp atırǵan kóshe biyleri menen ushırasıw keshesi bolıp ótti. Ilajda Qaraqalpaqstan Respublikası Joqarǵı Keńesiniń komitet baslıǵı Sh.Ótemisov, rayon hákimi J.Ermashev, tiyisli taraw juwapkerleri hám kóshe biyleri qatnastı.
Ushırasıw dawamında sońǵı jılları húrmetli Prezidentimizdiń itibarı menen xalqımızdıń tınısh-tatıw hám abadan turmısta jasawı ushın barlıq qolaylı sharayatlar jaratılıp atırǵanlıǵı, ásirese máhálleler turmısın jaqsılaw, xalıq penen tıǵız islesiw hám olardıń jaǵdayın jaqsılıw boyınsha bir qatar jumıslar alıp barılıp atırǵanlıǵı atap ótildi. Sonday-aq, bunday iygilikli jumıslarda, ásirese, awıl-aymaqlar turmısında belsendilik hám juwapkershilik penen jumıs alıp barıp atırǵan máhálle aqsaqallarınıń xızmetleri joqarı bahalanıp, olar arasında “Eń úlgili kóshe biyi” tańlawı ótkerildi.
Tańlaw nátiyjesine bola rayon basqıshında “Murtazabiy,” “Kulab,” “Qırqınshı” máhálleleri sıylı 1,2,3-orınlardı iyelep, hár birine bes million sumnan aqshalay sıylıqlar tapsırıldı. Bunnan tısqarı, 25 máhálle kóshe biyleri belsendiligi ushın bir million sumnan aqshalay sıylıq berildi.

Qaraqalpaqstan xabar agentligi