Májbúriy orınlaw byurosı Qaraqalpaqstan Respublikası basqarması tárepinen puqaralarǵa qolaylıq jaratıw maqsetinde, dúzilgen reje-grafik tiykarında aymaqlarda tikkeley basqarma baslıǵınıń qatnasıwında kóshpeli qabıllawlar shólkemlestirilmekte.
Usınday kóshpeli qabıllawlardan biri usı jıldıń 30-yanvar kúni Májbúriy orınlaw byurosı Nókis qalalıq bóliminde shólkemlestirilip, onda 10 ǵa shamalas puqaralardıń múrájatları tıńlanıp, olardıń ekewi ornında sheshilgen bolsa, qalǵanları ayrıqsha qadaǵalawǵa alınıp, nızamlı sheshiw boyınsha juwapkerlerge tiyisli tapsırmalar berildi.
Házirgi waqıtta Májbúriy orınlaw byurosı Qaraqalpaqstan Respublikası basqarması baslıǵınıń kóshpeli qabıllawları respublika boyınsha dawam ettirilmekte.

Qaraqalpaqstan xabar agentligi.