Puqaralıq isleri boyınsha Shımbay rayonlar aralıq sudınıń orınlaw hújjetine bola, juwapker A.R.dan onıń burınǵı ómirlik joldasınıń paydasına bir perzentiniń támiynatı ushın ol erjetkenge shekem aliment óndiriw belgilengen.
Bul orınlaw hújjeti Májbúriy orınlaw byurosı Kegeyli rayonı bóliminiń is júrgiziwine kelip túsken bolıp, bólim mámleketlik orınlawshıları tárepinen orınlaw háreketleri alıp barıldı.
Orınlaw háreketleri dawamında, juwapker Májbúriy orınlaw byurosı Kegeyli rayonı bólimine kelip, perzenti 18 jasqa tolǵanǵa shekem tólewi kerek bolǵan aliment pulların aldınnan tólew tilegin bildirdi. Sonda bólim mámleketlik orınlawshı tárepinen juwapkerdiń perzenti erjetkenge shekem tóleniwi kerek bolǵan aliment pulları esaplap shıǵılǵan bolıp, bul summa 18 million sumdı quradı.
Juwapker esaplanǵan aliment pulların sol jerdiń ózinde burınǵı ómirlik joldasına ótkerip berdi.

Qaraqalpaqstan xabar agentligi.