Qazaqstan jetekshisi Qasım-Jomart Toqaev Ruslan Jeldibaydı óziniń keńesgóyi lawazımınan bosattı. Sonıń menen birge, prezidenttiń biyligi menen Aybek Smadiyarov onıń keńesgóyi – mámleket basshısınıń baspasóz xatkeri etip tayınlandı. Bul haqqında Aqorda xabar bermekte.
Aybek Smadiyarov 1983-jılı Alma-ata qalasında tuwılǵan, 2004-jılı Ablayxan atındaǵı Qazaqstan xalıqaralıq qatnasıqlar hám jáhán tilleri universitetin hújjetshi-interncionalist qánigeligi boyınsha tamamlaǵan.
Ol aldın mámleket SIM sistemasında hám mámleket basshısı adminstraciyasında islegen. Qazaqstannıń Vengriya hám Vetnamdaǵı elshixanalarında diplomatiyalıq xızmetti atqarǵan. II dárejeli másláhátshi diplomatiyalıq dárejesine iye.
A.Smadiyarov 2025-jıl 11-dekabr kúni bolıp ótken brifingte jurnalistlerge Qazaqstan Sırtqı isler ministrligindegi rásmiy wákil lawazımınan ketkenin aytqan edi.

W.Alimov, ÓzA